هَزمّيرت هَعَرَڤيت.. أمل مرقس/ علاء أبو دياب
أمل مرقس لما تطلعي عَالمسرح، وبعد ما تحيي الحضور في يروشاليم بالعبري.. غني شو ما بدك، شووو ما بدّك، بس ما تغنّيلهم الروزانا تاعت ستي.. ولا تلبسي ثوبها..
|علاء أبو دياب|
الموسيقى لغة الشعوب..
هادا ما بنطبق علينا، هادا بنطبق عالشعوب الحرّه وعلى الشعوب اللي ما بتمارس الظلم ولا العنصريّة. مستحيل تكون الموسيقى لغة السجين والسجّان، مستحيل تكون لغة القاتل والضحية، ومستحيل يقعد ختيار مصلوب عالحاجز يغني مع الجندي اللي بذلّ في دينه!
الموسيقى لغة الياباني والأسترالي والفرنسي والأرجنتيني، بس أكيد مش هي اللي ممكن تجمع أمريكاني وعراقي في أبو غريب.
الرياضة كمان بتجمع الشعوب، وما بدخل فيها سياسة، بس مع هيك كانت جنوب أفريقيا ممنوعة من إنها تشارك بأيّ مسابقة رياضية بالعالم أيام ما كانت دولة فصل عنصري.
وعلى سيرة سياسة، بس للتذكير: قضيتنا مش سياسة! وما بتندرج تحت بند سياسة! سياسة يعني كوريا الشمالية والجنوبية، سياسة يعني يسار ويمين في ألمانيا، بس إحتلال وجدار وتهجير ولاجئين بسموه “حق”.
عشان الكل يفهم الصورة، بمختصر مفيد، بلدية القدس اللي هي أكبر مؤسّسة عنصرية في القدس واللي ما بتخجل إنها تعلن عن إنو من أهدافها تقليص عدد المقدسيين العرب، والعمل على جعل نسبتهم تقلّ عن عشرين بالمية، واللي بتنفذ هدم بيوت بشكل منظم، وبتبني مستوطنات كل يوم وبتمنع عن الفلسطينيين رخص البناء، واللي بتحاصرنا بالضرايب وبتمنع عنا الخدمات، واللي معظم المقدسيين بقاطعوا إنتخاباتها، بتنظم هاي البلدية الصهيونية “فيستيفال هَأود” أو مهرجان العود بالعربي.
ما بدي أخوض بموضوع إنهم بحاولوا يسرقوا موسيقتنا وتراثنا وينسبوه لئِلهم، مع إنو موضوع مهم، بدي أحكي هون عن فكرة مشاركة بعض العازفين والمغنيين العرب الفلسطينيين من الداخل -ما رح أسميهم فنانيين لأنو الفنان هو شخص مبدع والمبدع بالضرورة إنسان حُر، والحُر ما بيتحمّل ذُل العرض أمام هادمي بيته ومشردّي شعبه. لذلك ومن وجهة نظري الشخصية كل المشاركين –ما عدا اللي ما كانوا يعرفوا هالحكي ورح يعتذروا عن المشاركة- مش أكتر من روبوتات مبرمجة إنها تعزف أو تغني بدون أي مشاعر أو رسالة، يعني ستيريو منيح في أحسن حالاتهم.
هدول المشاركين في مهرجان تطبيعي يهدف إلى سرقة تراثنا وإظهار القدس وكأنها واحة سلام وعدالة، واللي بشاركوا في تبييض وجه أكثر مؤسّسة عنصرية في البلد بنقسموا لأكثر من قسم: قسم أعلن صهيونيته منذ زمن وبناءً عليه فمهرجان العود هو مكانه التطبيعي والطبيعي وهادا مش رح أناقش حالته لأنه الضرب بالميت حرام؛ وقسم ما بيعرف أو ما بهمّه يعرف وهدول المفروض صارت واصلتهم الرسالة ولازم يحددّوا موقفهم فوراً؛ وقسم أخير اللي مستحيل أقول إنه ما بعرف وبنفس الوقت بيعتبر حاله فنان فلسطيني ومع ذلك بشارك دون أدنى إعتبار لكل ما ذكر سابقاً.
القسم الأخير اللي حكيت عنّه بتمثله المغنيّة أمل مرقس. أمل مش بس مغنيّة، وإعلامية كمان! يعني كل المذكور أعلاه مارق عليها قبل ما أتعلم أكتب، ومع ذلك قررت تشارك. أمل اللي بتشارك في كل المهرجانات في الدول العربية وفي العالم على أساس إنها بتمثل فلسطين وبتستفيد من كونها فلسطينية، بتقرر السنة تشارك في مهرجان العود التطبيعي! في عز دين الصحوة العربية، وقت ما لازم أمل تكون في القاهرة بتكون في “فيستيڤال هَأوود”.
يعني مع إنو مش وقته نحكي بهادا الموضوع وأبطالنا بالسجون دخلوا أسبوعهم الرابع للأضراب عن الطعام، بس مش لازم هادا الموضوع يمرّ مرور الكرام. على المشاركين اللي ما عندهم فكره عن مدى صهيونية هذا المهرجان إنهم يلغوا مشاركتهم لأن إذا شاركوا بعد الحملة اللي عم بتصير ضد المهرجان فهادا معناه إنهم مشاركين عن سبق الإصرار ولن ينفعهم أي أعذار بالمستقبل، وكلنا بعرف قديش صار سهل الأخبار تنتشر وتوصل للجان مقاومة التطبيع في الوطن العربي والجاليات العربية في أوروبا وأميركا، وكلنا بعرف مدى تأثيرها وقوتها وقدرتها على إفشال أي حفل إذا أصلاً سمحت بدعوة حدا متهم بالتطبيع على أي مهرجان.
أما أمل مرقس، أنتِ أكيد بتعرفي شو يعني تطبيع، ومين هي بلدية القدس، عشان هيك ما رح أطلب منك ما تشاركي، رح أطلب منك طلب أبسط..
لما تطلعي عالمسرح، وبعد ما تحيي الحضور في يروشاليم بالعبري.. غني شو ما بدك، شووو ما بدّك، بس ما تغنّيلهم الروزانا تاعت ستي.. ولا تلبسي ثوبها..
.
• بيان: لنقاطع مهرجان العود الإسرائيلي: تجسيد للإمبريالية الثقافية الصهيونية!
.
قبل منحكي عن الحرية لاسرانا تعو نحكي عن الحرية لفنانينا ! بيكفي عاد. زهقتونا !
نقاش ساخن. شو رأيك؟
21 
29
موضوعة التطبيع فيما يخص فنانو الداخل الفلسطيني تحديدا معقدة جدا, و لا نستطيع أن ندعي أن بلدية القدس مؤسسة صهيونية و نتجاهل مؤسسات صهيونية أخرى يضطر أهلنا في الداخل التعامل معها كالجامعات مثلا و التلفزيون و العديد من المؤسسات الحكومية و الغير حكومية. أعتقد عزيزي علاء أنك تكتب مقالك هذا تحت تأثير إنفعالات مرتبطة بالأحداث على الساحة حاليا, و أعتقد أنك تبسط الموضوع – الشائك و المعقد- بشكل غير موضوعي.. أمل مرقص فنانة وطنية لها مشروعها و إسمها و لا تتلقي دعم من أحد حتى السلطة.. فهي غير مرتهنة سياسيا لأحد كبعض الفنانين..
مع الإحترام
نقاش ساخن. شو رأيك؟
30 
19
مقال رائع استاذ علاء
بس يعني انت تركت كل هلتطبيع اللي عم بنشوفوا وين مكان و قفت على امل مرقس؟
يا اخي حياتنا مع هالاحتلال كلها تطبيع في تطبيع حتى وصلنا لمرحلة نسال فيها الشيخ ازا عملت هيك حلال ولا حرام شرعي ام مجبر اخاك لا بطل
ا>ا بدك تحكي عن المقاطعة خلينا يا نقاطع كلشي يا بلاش ندور على مواضيع اعجبتني او مواضيع مش حابب اتطرقلعا تحت بند انو ممكن اكون انا نفسي بسويعا و عارف انها غلط، او تطبيع او دو كيوم على فولو ولاد اسحق سميها كيف ما بدك
بس بردو المقال جامد و انا متأكد انو امل اذا قرئة المقال ما راح تروح ولو ما في كلام ( و اودك رنان يا صديقي) و قلمك فنان
نقاش ساخن. شو رأيك؟
13 
10
اذا زهقت يا عمي اقعد على جنب. وما تخبص عيب.
نقاش ساخن. شو رأيك؟
10 
19
كلنا منعرف انو الموضوع شائك ومعاييره مش واضحة، وصحيح انو صارت زي “منسأل الشيخ شو الفتوى”.
ومش شرط انو يا منقاطع كل شي او ولا شي..بنفع نقاطع شغلات عينيه بظروف عينية بأوقات عينية. عشان يكون في تأثير. عيب يكون في فنانين من العالم كله وعلى فكرة قسم كبير منهن يهود مقاطعين واحنا لأ …
انا شخصيًا بفكر انو كل انسان حر يحط الخطوط الحمرا الخاصة فيو..
بالنسبة لأمل مرقس هي فنانة بتتخبط زي باقي الفنانين، نصيحتي لالها انها تقاطع وبطريقة إحتجاجية.
وللقائمين على المقاطعة وبالذات في موضوع الفن والتعليم ..لاقوا بدائل عشان ما الفنان او الطالب يدفع الثمن لحالو وأنتو وطنيتكو يزيد منسوبها وهو ينشف.
نقاش ساخن. شو رأيك؟
17 
6
يوم عمر فاروق ويوم حملة على ميرا عوض, والحلو انو كل واحد بيطلع يزغزغلنا حسو الوطني ويوعظلنا عن الوطنية ! زهقناكم وزهقنا هيك مقالات وحكي مليان توجهن وشعارات فاضية ! وبعديم منسال حالنا ليش فنانينا عم بنقتلو بجنين وعم ينتحرو برام الله !
عيب ينكتب هيك حكي على فنانة متل امل مرقس, الي ولا حدا منا زقفلها لما مثلت نفسها وبلدها وتراثها وفلسطينيتها بالخارج. ولما عملت اشي غير, بيجرح حسو الوطني للمسكين ابو دياب وغيرو منقوم منغتصبها بهيك مقال ! من منكم بلا خطيئة فليرجمها باول حجر ! وبالاخير الفنان بدو يعيش (مهو على اساس انو العروضات والامسيات والمهرجانات الفنية مكسرة الدنيا عنا) كيف ما صاحب المقال بدو يعيش وعشان هيك مستعد ينزل اي مقال بخصوص اي اشي المهم انو اسمو يكون موقع فيه, علاء ابو دياب انا مستحي فيك اليوم !
نقاش ساخن. شو رأيك؟
25 
21
قبل عشر سنين تقريبا امل مرقص احيت حفلة في لندن ودفعتلها الوكالة اليهودية فرع لندن. يوم هبة اكتوبر شاركت في مهرجان في 1 اكتوبر، وكان في شهدا ومواجهات، في شي حرش تطبيعي ويهودي-عربي.
يوم مواجهات عكا في الغفران عملوا في مسرح اللاز امسيات فنية تضامنيه وامل اصرت واخدت(!) عشر تلاف شيكل عشان تعمل امسية “تضامن” مع عكا!
هاي الانسانة غير انها فنانة متوسطة وبتنشز في كتير من اغانيها، خصوصا في الحفلات اللايف، بتلعب على الف حبل.
بس انسان مريض ومشوه بدرجات كبيره ممكن يشوف فيها رمز او تعبير عن فلسطينيتو وانتمائو وكل هالشعارات الرنانه.
لازم تحقيق صحفي جدي على هاي الانسانة وافعالها وممارساتها خارج “اناديكم” الممجوجة والمهترئة…
نقاش ساخن. شو رأيك؟
32 
18
مقال بائس لا يستحق الرد..ومع هذا اقول لكم بأن امل مرقس لا تنتظر شهادات لوطنيتها، خصوصاً ممن إعتاشوا دهراً من الكتابه للتلفزيون التربوي الاسرائيلي الصهيوني وما زالوا يعتاشون حتى اليوم من دعم وزارة التربيه والتعليم الاسرائيليه الصهيونيه، ولا يتدبرون امورهم اليوميه الا فقط عبر المؤسسات الاسرائيليه الصهيونيه..هذا ليس هجمومكم الاول على امل مرقس وهجومكم عليها هو فقط لأنها امل مرقس الوطنيه والشيوعيه والامميه ذات التاريخ النضالي الناصع والمشرف الذي لن يشوبه مقال حاقد اسود، فهي ليست ممن يركب الموج ومن يستغل مآسي شعبنا للظهور الاعلامي والتكسب المادي من ذلك…للتذكير فقط: قبل امل مرقس هاجمتم محمود درويش واتهمتوه بالتطبيع وبالحضور الى اسرائيل عبر معابرها فكتبتم له ” سجل انا عربي وثمن بطاقتي 50 شاقلاً” ….فكفى مزاوده فالقافله تسير…
نقاش ساخن. شو رأيك؟
21 
15
انا من زمان مستنية هالمقال…عشت !
الى وردة كأنك قاعدة في قلبي !
نقاش ساخن. شو رأيك؟
15 
12
“وقت ما لازم أمل تكون في القاهرة بتكون في “فيستيڤال هَأوود”” مستغرب كتير وبتسائل اذا كاتب المقال زار القاهرة وحس الاهانة ونظرة الاحتقار بما انك “اسرائيلي” “ويهودي” كمان !
“والحُر ما بيتحمّل ذُل العرض أمام هادمي بيته ومشردّي شعبه” قصدك عن موظفي التامين الوطني والجامعات الي منبعت ولادنا يتعلمو فيها ! مقال مليان حقد وغضب بنصحك وبنصح المعقبين “الوطنيين”انهن يروقو ويراجع كل واحد منا ضميرو ويشوف اكمن مرة عم بمارس التطبيع مع اسرائيل باليوم !
نقاش ساخن. شو رأيك؟
12 
12
الى المعقب “واحد”:
شكرا انك زكرتني
نسيت احط في القائمة عمل امل في التلفزيون التربوي الصهيوني لسنوات طويله…
نقاش ساخن. شو رأيك؟
6 
14
يا الله ما أبسط طلبك و ما أحلاه..
يعطيك العافيه
تعليق جيد أم سيء:
12 
2
الى ورده
كمان بحب اضيف لمعلوماتك انه امل مرقس تعلمت بجامعه اسرائيليه صهيونيه وانها بتحمل بطاقة هويه وجواز سفر اسرائيليه صهيونيه وانها بتسافر عبر مطار بن غوريون (رئيس وزراء اسرائيل الصهيونيه) وانها بتشرب من مية مكوروت الشركه الصهيونيه…. واضح انه عندك تشويه في تفكيرك نابع عن حقد وغيره من امل مرقس ونجاحها فبنصحك تشوفيلك شي دكتور نفسي يساعدك للخروج من مشكلتك النفسيه
نقاش ساخن. شو رأيك؟
18 
13
غريب شو الدنيا دوارة
لمل ميرا اشتركت في الاورفيزيزيون ومع انها قالت انها ما بتمتل الشعب الفلسطسني انما حالها وانها هي بتامن بالحوار, كانت امل اول وحدة من اللي تفلسفوا على ميرا,
ووقتها شككت امل واللي متلها من الفنانين بوطنية ميرا, ع الاقل ميرا مش موجهنة, ومش بالسر ووقت بس لما فش حرب بتشتغل مع كل الاوساط بايمان انه الموسيقى لغة الحوار. يعني اسا في هدوء فممكن نشتغل مع اليهود اما وقت ما في حرب منطلع ومنلعب ع حبال الوطنية وبتصير حتى امل اللي كل حياتها بتتعاون في اعمال مشتركة اكتر وحدة وطنية.
بس لما بتحك الجيبة كل شي بيسوى
ع كل حال مصداقية الناس بتبين بهيك مواقف, هذا نفاق واحسن كان تكوني جريئة وصريحة بمواقفك حتى لو ما اعجبت الناس حواليكي, من انك كل يوم بجهه للمصلحة وكيف الجو.
تعليق جيد أم سيء:
13 
4
طيب يا ، شو معي أنا ؟ نسيتوني ؟ وأنا بدي! صرت أغار!
بيطلعليش مقاطعة ؟! قاطعوني شوي.
مقاطعة صغيرة … فتفوتة … صغيورة … … في ؟
يوسف سويد
نقاش ساخن. شو رأيك؟
18 
10
الله أكبر
تعليق جيد أم سيء:
5 
4
آخ يا وردة كم انك حاقدة وغيرانه،كانك فنانة محبطة?
كل من يعمل وبمهنية ومبدأية وبصدق مثل امل مرقس سوف يهاجم ولهذا اقول لمن يهاجم ويكذب ويحرض:
يا جبل ما يهزك ريح
نقاش ساخن. شو رأيك؟
12 
11
يا زلمة مهو عالحالتين راح يكون عندك شو تحكي!
لو فش “تمثيل” عربي بالمهرجان كنت راح تقول “ها شايفين؟ ولاد عمنا مفكرين العود الهم وسرقوا موسيقتنا..” والخ.
بالعكس تشترك وتعلن وجودها
احنا بعدنا هون
وباقون.
نقاش ساخن. شو رأيك؟
16 
11
صديقي علاء، مقالك مهم ويناقش نقطة مفصلية وأنا اؤيد ما ذكرته. لكن بعض التعليقات تخلط بين التعامل مع السلطات الاسرائيلية بحكم واقع الاحتلال (كالتعامل مع المجالس المحلية والجامعات) وبين الاشتراك في نشاط “ثقافي” تنظمه جهة صهيونية بامتياز، خصوصا ونحن نتحدث عن مهرجان يساهم في السطو على موروثنا وثقافتنا بعد السطو على الأرض واحتلالها. لن أتحدث عن دور الموسيقي أو المثقف في مقاومة الاحتلال لأنه موضوع قديم (وطالعة ريحته) لكننا على الأقل كمواطنين يجب أن نتخذ موقفا واضحا من تلك النشاطات “الثقافية”.
نقاش ساخن. شو رأيك؟
15 
6
أمل مرقص كل حياتها تلعب دور هزميرت هعربيت رغم تنشيزها والافتعال الواضح في صوتها واعانيها اللي بلا طعمة… ولولا انتهاز فلسطين من حين لآخر لما ادعت انها فلسطينية اصلا… مرقص وامثالها ومثيلاتها يستحقون المقاطعة من ابناء شعبنا لانهم يسيئون لصورتنا في العالم العربي ويقتلون روح هويتنا الوطنية الانسانية
نقاش ساخن. شو رأيك؟
8 
17
بدايه بدي اقول لكل الي بعتبر انه مجرد انك حامل الهويه الاسرائيله يعني عندك العذر انك تفكر وتعيش متل اليهودي وتعايش وتطبع مهي لقمة العيش صعبه والرزق بدو خفيه لا يا خفيف مع انك حاطت طن جل على شعرك وموقف شعرك كوتسيم بس اول ما بتدخل بن جريون او اول ما تفكر تطلع من بيتك بكون موظف الامن مشلحك كل اواعيك وبفتشك زي (…) وسعيتها انته بتنجن وبتروح بتقدم شكوى انك حامل الجنسيه الاسرائيليه وبعاملوك زي العرفيم .ايش مستني يقلك تفضل يا باشا طيب مهوه لو يصحلهم يزتوك على اول طياره رايحه ومش مرجعتك صدق راح يوزعوا شكولاته عليت عشان عيونك الزرق وعشان روحتك الي بله رجعه.
كمان بدي اسئلكم يلي بتقولو ماحنى بندفعلهم الضرايب وبنشرب مي عيدن لما بخيروك بين الجنسيه الاسرائيليه وبين الفلسطينيه شو راح تختار ….تغلبش حالك وله تفكر جوابك واصل يخلف.
ويا اخت امل مرقص املي فيكي كبير
ابو دياب ..شو بدي اقلك حسك الوطني بيتحسسو منو الجماعه
تعليق جيد أم سيء:
7 
10
المقاطعة مقاومة مشروعة وضرورية وبتجيب نتائج.
فلما فلسطينيين بشاركو في مهرجانات اسرائيلية كيف بدنا نقنع الاجانب بالمقاطعة؟؟!!
تعليق جيد أم سيء:
11 
8
يا كاتب.
يمكن تحكي في انو جامعه بلشت تتعلم!!! صهيونيه ولا شو!!!!
في انو محل تشتغل. صهيوني ولا شو…..
يعني الي بيتو من زجاج ما يرمي الناس ب حجاره.
تعليق جيد أم سيء:
9 
7
يا عيني / وأخيراً يعني
تعليق جيد أم سيء:
1 
7
إلى يوسف سويد.
الظاهر إنو الشباب والصبايا مقاطعينك بما إنو محد رد عليك.
يلا روح إنبسط. مبروك المقاطعة
تعليق جيد أم سيء:
7 
8
فش مسؤولية! صلبتوها وحطيتوا كل القضية فيها. مين حضرتك عشان تيجي وتزت اتهامات شمال يمين؟ مش حضرة جنابك بتتعلم بمؤسسات صهيونية؟ واللا أخذت الشطر الأول من المقاطعة بس؟ (مقاطعة ثقافية وأكاديمية).
المشكلة إنو أجو وزاويز من القدس وصاروا يزاودوا علينا عكإنو الحركة الوطنية بلشت لما أجو، وعكإنو فش ناس وطنيين هون.
أنا مع حرية التعبير عن الرأي، بس لمّا الواحد بشيطن التاني صار لازم نحط نقطة بآخر الجملةونقعد نتأمل للحظة بالوضع ونشوف شو اللي عم بصير.
يا كاتب يا محترم، أغنية عالروزانا مش تاعت ستك ولا ستي، واللي بآمن بحرية التعبير عن الرأي وبسمح لحالو يكتب شو ما بدو عن قضايا وناس، لازم كمان يآمن بقيم ديمقراطية أخرى مثل التعددية ويتقبّل إنو مش مل الناس لازم يكونوا زيو وعيارهن على قد عيارو هو بالزبط.
نقاش ساخن. شو رأيك؟
17 
10
مين المجنون اللي بيسمع امل مرقس لما في عنا فنانه مثل ريم بنا يسعد رب ريم وصوتها..
نقاش ساخن. شو رأيك؟
7 
13
وك يا زلمة يحيى البطنن الي حملك كل ما تكتب اشي هون بتفشلي قلبي… الي بتحكي مش بس 100 % صح واكثر بكثير… ومنيح الي في ناس عارفه تحط النقط عالحروف..!!
تعليق جيد أم سيء:
10 
7
أنا مصدووووووم مصدوووم قبل اكمن يوم هاجمت عمر فاروق بالراديو عشلن عمل حفل في الناصرة وخصصت برنامج كامل عن المغنين الغير مقاطعين
وناقشت عمر فاروق…
تعليق جيد أم سيء:
4 
0
بدنا رد أمل مرقس. مع إنو بتخيل هي ردت تحت اسم “قارئة”، بس ضروري يا أمل تقولي موقفك.
تعليق جيد أم سيء:
6 
1
الى كل هؤلاء الي بلشوا يخلطوا بين التطبيع و بين ما نحن مرغمون عليه و مش بإرادتنا تذكروا بالله انو كلنا أو معظمنا هون عايشين تحت كنف دولة الاحتلال الحنونه و ما نحن مجبرين عليه هو أكثر من الأمور الي بتم بمحض ارادتنا
يعني لما نحكي عن الشغل و التعليم و العلاج في مؤسسات دولة الاحتلال نتذكر بس انو فش خيارات واسعه قدامنا و رحنا احنا للمؤسسات الاسرائيليه مثلاً ! و مجرد انو احنا بنتحمل انو نتعامل مع هالمؤسسات الصهيونيه العنصريه هو دليل كافي على صمودنا في أماكن هم حريصين بسياساتهم هاي انو نطلع منها
لكن بالنسبه لما هو بإيدنا ؟ زي انو نشتري الكولا العربيه مش الكولا الاسرائيليه ؟؟؟ احنا بنقرر و بنقدر نختار
زي ما أمل مرقس بتقدر و بكل بساطه انو ترفض تقدم هالعرض .. اذا بدها تحافظ على تاريخها الوطني زي ما بتحكوا !
انا ما شفت المقال تشويه لصورة امل مرقس بالقدر الي شفته لفتة نظر أو تنويه بسيط لحضرتها قديش هالنشاط ممكن يكون خطير الها كفنانه فلسطينيه و بتغني تراث فلسطيني كمان
..
منطقياً و كل واحد يسأل حاله .. كيف بنرضى نقبل نرقص احنا وياهم على أرض هي أرضنا بس هم ماخدينها يعموا عليها حفله ؟؟؟ لا و شو بنغنيلهم ؟؟ ولا احكولي انها رايحه تمثل الجاليه العربيه باسرائيل ؟
نتعلم بمدارس تابعه لبلديتهم بتفرق كتير عن “نغنيلهم”
مشتري حليب تنوفا الي فش بديل عنه بتفرق كتير عن “نرقص معهم”
تعليق جيد أم سيء:
12 
3
انا مقاول عمار بدور على عمال فشو رايكو انتو اللي قاعدين كل النهار بفتوش وبتفتوش تيجو تشتغلوا معي على الاقل مهنه شريفه وفبها عرق جبين احسن ما كل النهار قاعدين ذابحكم الفلاس لدرجه انكم مش عارفين شو بدكو تكتبو ا …وصلتو لامل مرقص ..هذا يدل انه وضعكم صعب..شو رايكو ؟؟؟؟؟؟اليوميه مليحه والزواده عليينا.
تعليق جيد أم سيء:
12 
6
يوسف سويد، مين إنت؟
تعليق جيد أم سيء:
3 
5
إلى الأخ علاء وكافة المقدسيين:
اعذرونا؛ فواقع القدس (الشرقية) بعيد أشد البعود عنا. هنا في “الداخل”، أي من القدس الغربية (including التلة الفرنسية وفلافل ابو الليل) وجاي لعند الساحل، مع انو ما في جدار ولا حواجز عسكرية، ما منعرف عنكو اشي. فالبالنسبة لاي عربي إسرائيلي متوسط بلدية القدس ممكن تكون مثل اي بلدية ثانية أو سلطة محلية في البلاد (ولما نقول “محلي” القصد دايما، بالطبع، داخل الخط الأخضر).
ما ننعرف شو يعني سحب هويات (هاي تجربة مرقوها أهالينا وصرنا ناسينها)؛ ما منعرف انو في الطرف الثاني من الجدار هناك كمان قدس؛ ما منعرف شو يعني قدس؛ ما منعرف شو يعني لما يكون كل نشاط سياسي علني هو امر محظور من السلطات (هاي كمان مرقوها اهالينا ونسيناها)؛ ما منعرف شو يعني احتلال، فالاحتلال عندنا موجود فقط في اللا وعي.
ما تتوقعوا راح يطلع منا اشي من حالنا، فوضعنا كمان مش هالقد تمام. احنا بحاجة الكو تفسرولنا شو يعني قدس، فاعذرونا.
اقتراح: على المؤسسات في القدس اصدار نداء لمقاطعة “فستيفال هأود”، ونداءات أخرى في حالات شبيهة، مش بس مقالة هون وهناك.
وشكرا.
تعليق جيد أم سيء:
8 
0
شو مع باقي العرب المشتركين بمهرجان العود مثل فيوليت سلامة، جوقة ترشيحا، وتيسير إلياس؟ ليش هدلول ما عرف اللي كتب المقال إنو يذكرهم؟ والله “أهون” الواحد يهاجم أمل مرقص وبس؟
تعليق جيد أم سيء:
6 
3
بتأمل انك وانت كنت تكتب المقال مكنتش تشرب هافوخ لانو حسب وجهة نظرك بتصير مع التطبيع كونك عم تشرب حليب من تنوفا
خلصونا مزاودات بشرفكو
تعليق جيد أم سيء:
10 
8
فقط للتذكير,
لقد أحيت أمل مرقس حفل غنائي ملتزم في أوديتوريوم حيفا ,وحضره حوالي ألف شخص,(ثمن التذكرة 70 شاقل) وقد رصد هذا المبلغ دعماَ لأهالي القرى المهجرة في النقب.
ولم نسمع أي تحية أو تشجيع لتبني هذه الخطوة من باقي الفنانين من قبل الكاتب أبو دياب.
تعليق جيد أم سيء:
1 
2
فقط للتذكير
ولا واحد مختلف أنو المهرجان مشكلة، ولا واحد مختلف أنو إسرائيل دولة عنصرية استعمارية… فيا جوقة المدافعين والمبررين والي بستخدموا كلمة “مزاودة” و”زهقتونا” على الطالعة والنازلة؛ عشان ما نزهقو وعشان “ما نزاود” عليكو تفضلو خبرونا كيف بدكو تحلو هي المشكلة وكيف بدكو تتعاملو مع هيك دولة… هلأ إذا ما طلع معكم شي غير تعيدو وتزيدو تبريرات وصدمات نفسية وديمقراطية (أنو شي كتير حلو تسمع حدا بحكي عن ديمقراطية وتعددية بعلاقتك مع دولة عنصرية استعمارية- عنجد يعني لما حكوها “أخشى ما أخشاه أن تصبح الخيانة وجهة نظر”) سعتها يا جماعة في عندك مقول عمار عندو فرص عمل مغرية وأكيد بعمر بهالدولة الله يجعل دربكو عمار
تعليق جيد أم سيء:
1 
1