مبارح يوم المرأة…/ نضال بدارنة

خلصت قناني النبيذ اللي انفتحت على شرف يومك .. واللي ماتت بيومك…

مبارح يوم المرأة…/ نضال بدارنة

بس بحكوا عنّك...

 

|نضال بدارنة|

خلص يومكو .. خلصت الأغاني اللي انكتبت عشانكو، خلصت كيلومترات الشرايط اللي انكتب عليها شعارات ضد قتلكو.. خلص كل اشي… اسا انتِ جاهزة، تنامي على فرشتك وتظبظبي غراضك وتحضري حالك لبكرا.

خلصت قنينة الغاز اللي عَلّيتي عليها البطاطا وبيض لأخوتك اللي تسَهّلوا عالعامل بأشدود، وراجعين عشان يعايدو عليكي بيومك ، خلصت المصاري اللي كنتِ مجمعتيها وناوية تشتري خزانة مطبخك لأهلك.. خلصت الاشعار اللي انقالت عنك بقاعة منجّدة ومكيّفة وبتفوح منها ريحة عطر نسوان بعرفوش مين انتِ.. بس بحكوا عنك.

خلصت قناني النبيذ اللي انفتحت على شرف يومك .. واللي ماتت بيومك، خلصت الستاتوسات اللي انكتبت وتزبطت عشان ترضي غيرك، لأنو اصلاً صعب تفهمي شو يعني فكرة انو الناس تعبر عن شو بتحس بالكتابة… لانك وبكل بساطة متعودة تشتغلي بأيدك.. خلص هذا النص، واسا انت بتقدري عنجد تنامي وترتاحي قبل ما تبدي يومك… لانو شُغلك بالقَطيف عم يتعبك .. يا ريت بغدر اكون، حدك بس انا بلشان بكتاباتي عنِك .


ملاحظة عابرة : فقط اثناء كتابتي ادركتُ مدى حبي لأمي

اعتذر فالهدية لم تصل بعد.


المحرر(ة): علاء حليحل

شارك(ي)

2 تعقيبات

  1. Why the hell do you think this is funny?
    I can’t even find the irony!

    Don’t waste your time on writing anymore.. Save energies for stupid standups

  2. بالمرّة مش صعب تفهم شو يعني فكرة انو الناس تعبر عن شو بتحس بالكتابة، بتفهم بكل شي حتى لو كانت جاي من السهل وايديها ملانات تراب.
    اليوم يا سيّد نضال ملان نساء بتحتفلش بيوم االمرأة لأنهن بفهمو انو مش هيك الاحتفال فيهن مفروض يكون، صار يوم المرأة متل يوم النكبة مثل يوم الارض ، منحيي ذكرى اشي مفقود أو مؤلم.

    سنحتفل بيوم خاص بالمرأة لما تكون المرأة جديرة بالاحتفال كل ايام السنة ، منخصصلها يوم “تميّز ”

    عدا عن انو في نساء لا تستحق الاحتفال وبالاساس هنّ اللي بيحتفلو، عادةً هدول بيعايدو على بعض بفنجان قهوة الصبح عالبرندة أو بأول الحارة اذا كان الطقس مشمس ! :)

أرسل(ي) تعقيبًا

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>