حصري: خطاب يونا ياهف في مهرجان “عيد الأعياد”

7 ديسمبر 2011
ياهف: “سوبارو بيضا مسكّرة الشارع”

|راجي بطحيش|

إليكم كلمة السيد يونا ياهف في افتتاح “خاج هخاجيم”:

حبايبي سكان حيفا،

معكم يونا ياهف (خمامة يعني) رئيس البلدية.. أنا راح أكون مرشدكو بهادا اليوم. باحب اطمنكوا إنه الناس اللي هون كتير حبوبين ومعهمش سكاكين وما بيئذوا، بس هدا بمنعش إنكو توخدو حذركو وتمشوا بمجموعات. أهم شي إنو اللي بيعرض عليكم تدوقوا شغلة ببلاش دغري بتوافقوا.. متخافوش… بالنسبة للورقة اللي معكوا أنا كتبتلكو بجانب كل شكل شو أسم الأكلة عشان متبينوش هبلان ويضحكوا عليكو؛ العجينة اللي عليها أشياء خضرا أسمها “منكوشة” ومش “مشوشة” فاهمين؟ فضحتونا!  أكم مره بدي أصلح هاي الغلطة الشائعة…

هاي السنة كمان تخربشوش بين قفص “جميلة” اللي بتعمل كوبة وقفص “فهيمة” اللي بتعمل خوموص وقفص “منيرة” اللي بتعمل موجدرة. أما بالنسبة للروائح والنكهات اللي هي موضوع مهرجاننا هدا ففي رائحة القهوة مع هيل وبدون هيل، ورائحة الفلافل، ورائحة البهارات ورائحة شجر العيد، بس بحب أحذركو من رائحة المجاري: راح نبقى نصلحها، تذكروش الناس هون فيها… تجاهلوها… وظلكو متذكرين إنو هاي الريحة لمصلحتكو.. أولا رمز للطعام العضوي.. ثانيا التواصل مع الأرض (أي أرض).. وثالثا،إذا صلحنا المجاري هون راح يكون عحسابكو… انطلقوا …!

0 تعليق على “حصري: خطاب يونا ياهف في مهرجان “عيد الأعياد””

أضف تعليق