مشهدان من عرس عربي/ مجد كيّال

مبروك… ولكن..

مشهدان من عرس عربي/ مجد كيّال

زٌهير مرّ من هنا...


(1)

(ساعة واحدة قبل وصول الضيوف إلى سهرة العروس، مطبخ البيت.)

أنا: خالتي، في كباية ميّ؟
أم العروس: بدك ميّ؟ سميرة جيبي لإبن مبدّا ميّ..
بنت عم العروس: عمّي جمال وين حطّيت الميّ؟
خال العروس: بالبراد برا برا
بنت عم العروس: مجد بده ميّ
خال العروس: برا برا
ام العروس: إسألي عمّك جمال
جار دار العروس: لمين الميّ؟
عم العروس الي جاي من كندا: مَ إسا جبنا ميّ شو السيرة كمان دور؟
الشبينة: لإيش الميّ؟
خطيبة أخو العروس: إسا بسأل أمير وين الميّ
الشبينة: للشرب يعني؟
ابن عم العروس الي جاي من كندا: أروح أجيب ميّ؟
خطيبة اخو العروس: أمير روح جيب ميّ.
أبو العروس: طيب صبّوا من الحنفية.
أم العروس: مية الحنفية بتنشربش.
جدة العروس من جهة الأب: ليش دخلك مالها ميّة الحنفية؟
العروس: جيبوا ماييم مينيراليم،  حدا يروح يشتري ميي عيدن.
صاحب أبو العروس الي بقرا جريدة: ميي عيدن مستوطنات.
جدة العروس: الله يلعن أبوهن اليهود.
الشبينة:  شوف بالبراد فش بالبراد؟
صاحبة العروس: كنّو فش ميّ؟
خال العروس: برا اسا طلعناها لبرا..
الجارة:  إم أيمن إذا بتحبي بتقدروا تيجو توخذو من عنا ميّ، مش بيناتنا إم أيمن
أبو العروس: اسا ببعث أيمن بنط بجيب من عند إبن طنّوس
عم العروس: يا زلمة لإيش اسا يطلع عند ابن طنّوس.
ابو العروس: يا زلمة لإيش لكان فتحنا حساب عند الزلمة اذا ع كلشي بدنا نروح نشتري من..
عم العروس: يا زلمة انت روح تحمم والبس بدك تستقبل المعازيم
العروس: يابا بعدك مش لابس فوت البس
جدة العروس: يما ليش بعدك مش لابس
صاحب ابو العروس الي بقرا جريدة: فش حاجة ضغط، فش حاجة ضغط، أبو أيمن فوت تحمم والبس اسا بيجوا المعازيم.
الشبينة: أجو المعازيم؟
صاحبة العروس: صارو بدهن يجوا المعازيم وبعدنا مش حاطين مي ع الطاولات؟
ابن عم العروس من كندا: انا بحط وين الميّ؟
خال العروس: فش ميّ، جابو ميّ؟
ام العروس: مش عارف في حدا قال بده يجيب ميّ، يمكن ابن مبدا اسألو ابن مبدّا..
خال العروس: قليى مجد جبت ميّ؟
أنا: …
(2)
إبن خال العروس اللي معه هوندا: يا زلمة ابن عمّي رح يستأجر قاعة لعرسه، سألوه مين جايب فرقة، قالّهن زهير، طلبوا منه كمان 5000 شيكل زيادة حق بلاط جديد للقاعة.
أنا: شو؟
إبن خال العروس اللي معه هوندا: زيّ ما بقلّك. زُهير فرنسيس بقبّع البلاط.

المحرر(ة): علاء حليحل

شارك(ي)

11 تعقيبات

  1. هدا احلى من مقالك عن الصيام فلتك من الدين واكتب عن المجتمع

  2. هههههههههههههههههههههههههههه!!
    وااااااااااال قديش الواقع بضحك, وفارغ وملوش معنى!
    شو اسمو عرس؟؟ طنجره وطاستها ضايعه!

  3. مقالات مجد العميقة، والمفتوحة على عدة تأويلات في بعض الأحيان، تجعل القارئ ينظر إلى كل نص جديد يكتبه على أنه -لا محالة- عصارة أدبية فكرية.
    ولكن، هل يقع هذا النص أيضًا في المساحة المراوغة بين الشكل البسيط والمضمون العميق؟ صحيح أن النص يدفع إلى التفكير في عقلية مجتمعنا، تفكير قد يعرج على تأملات فلسفية، ولكن النص في هذه الحالة يصبح صورة فوتوغرافية خرساء، ولكن حتى في هذه الحالة، التي يصبح انتقاء تفاصيل الصورة هو عمليًا النص وغايته، لا يبدو لي أن هذا الانتقاء ذكي ومبدع بما فيه الكفاية.
    دمت بود وبانتظار المزيد..

  4. اللي للمدوّنة للمدوّنة.
    اللي للموقع للموقع. حبيت!

    مجد امحاه بسرعه!

  5. عايش الوضع تمام واقوى شخصية بالعرس الي معاه مفاتيح البراد

  6. اعجبني جدا -وخاصة انسانه اللي مرقت تجربه مشابهه :)_

  7. خواطر مجد كيّال هي الطريقة الأمثل تتفهّم وتعلّم حدا شو يعني “السّهل المُمتنع” 

  8. اللي للمدوّنة للمدوّنة.
    اللي للموقع للموقع.

  9. .

  10. بحييك.. دايماً بتابع كتاباتك عبر الموقع.. جد اشي رائع.. وهالمرة جبتها ع الوجع..

أرسل(ي) تعقيبًا

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Pin It on Pinterest

Share This